Itali, 1200 emigrantë mbërrijnë në Siçili pas rreziqeve në Mesdhe

26/07/2015 00:00

Më shumë se 1200 emigrantë ilegalë kanë mbërritur në Siçili, pasi u shpëtuan në det të hapur nga anijet norvegjeze dhe ato irlandeze.

Sipas Organizatës Ndërkombëtare të Emigracionit, më shumë se 150 mijë emigrantë kanë mbërritur në Europë përmes rrugëve të detit Mesdhe përgjatë këtij viti.

Vala e fundit e “arratisjeve” detare vjen pas një jave vdekjeprurëse për emigrantët afrikanë, pasi 40 prej tyre dyshohen të jenë mbytur pas përmbysjes së një barke të vogël indiane të tejmbushur në brigjet libiane gjatë së enjtes.

Shumica e atyre që mbërritën në gjendje të mirë në kufijtë italianë janë nga Siria dhe shtetet afrikane nën Sahara.

Eritreanët janë grupi më i madh pas sirianëve që rrezikojnë jetët duke kaluar me varka të papërshtatshme përmes Mesdheut drejt Europës. Eritrea ka bërë thirrje ndaj OKB-së që të hetojë mbi atë që vendi afrikan e quan zinxhir “i neveritshëm” i trafikimit të qenieve njerëzore, pasi shkak që refugjatët largohen nga ky vend shpesh bëhet abuzimi me të drejtat e njeriut.

Top Channel