Kosovë, fëmijët preken nga sëmundjet kancerogjene
26/07/2015 00:00
Vetëm brenda gjashtëmujorit të parë të vitit 2015, 26 fëmijë kosovarë janë prekur nga sëmundjet malinje, kurse 50% e tyre janë diagnostifikuar me leukemitë akute limfoblastike, shkruan gazeta “Zëri”.
Disa prej tyre, ende pa hedhur hapat e parë po luftojnë me sëmundjet kancerogjene.
Ndërmjet vdekjes e shpresës për jetë, këta fëmijë gjenden në duart e prindërve dhe mjekëve në repartin Hemato-Onkologjik të Klinikës së Pediatrisë.
Megjithatë, prindërit ankohen se qeveria nuk është duke bërë shumë për fëmijët e tyre.
Ata shtojnë se kurimi i këtyre sëmundjeve kushton shumë, ndërsa nuk kanë të ardhura të mjaftueshmë për t’i mbuluar të gjitha shpenzimet.
Top Channel