Libi, dënim me vdekje djalit të Gaddafi-t, Saif al Islam
28/07/2015 00:00
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Një gjykatë në Libi ka dënuar me vdekje djalin e kolonelit Muammar Gaddafi, Saif al islam dhe 8 bashkëpunëtorë të tij për krimet e kryera gjatë kryengritjes së vitit 2011.
Siaf al Islam dhe njerëzit e afërt me të ishin në proces me disa dhjetëra bashkëpunëtorë të tjerë të liderit të rrëzuar, i akuzuar për shtypje të dhunshme të protestave.
Gjithësesi, i biri i diktatorit nuk ndodhej në sallën e gjyqit në momentin e dhënies së vendimit, por ishte i lidhur me një video-konferencë.
Aktualisht ai mbahet nga një ish-grup rebelësh nga qyteti Zintan, që refuzon ta lirojë, raporton BBC në edicionin online.
Ish-shefi i shërbimeve sekrete të regjimit Gaddafi, Abdallah al Senousi është mes personave të ndëshkuar me dënimin me vdekje dhe po ashtu edhe ish-kryeministri Baghdadi al Mahmoudi. Megjithatë, atyre do t’u jepet e drejta e apelimit.
Top Channel
