Këshilli Bashkiak i Tiranës mblidhet të enjten, ja kalendari
28/07/2015 00:00
Pas konfliktit për motive të dobëta plagosen me thikë babë e bir në Shkodër, arrestohet autori 23/04 21:30
Mbledhja e parë e Këshillit Bashkiak të dalë nga zgjedhjet e 21 qershorit për Bashkinë e Tiranës, do të zhvillohet paraditen e së enjtes.
Sekretariati i Bashkisë ka shpërndarë për mediat një njoftim mbi kalendarin e punimeve. Në bazë të ligjit për organizimin dhe funksionimin e qeverisjes vendore, mbledhja është thërritur nga sekretari i Bashkisë.
Mbledhja e Këshillit do të nisë në orën 10:00 me zgjedhjen e Komisionit të Mandateve, që do të hartojë një raport që më pas do të shqyrtohet për miratim nga Këshilli.
Pas kësaj do të vijohet me betimin e këshilltarëve të rinj, të cilët do të zgjedhin kreun e Këshillit Bashkiak dhe nënkryetarin e këtij këshilli.
Menjëherë pas kësaj do të vijohet me shpalljen së vlefshmërisë së kryetarit të Bashkisë së Tiranës, betimin e tij dhe në fund zgjedhja e anëtarëve që do të përfaqësojnë Këshillin Bashkiak në Këshillin e Qarkut të Tiranës.
Top Channel
