Pa Messi-n dhe Neymar, Barcelona mposhtet me penallti nga Chelsea

Barcelona në këtë takim kishte dy mungesa shumë të rëndësishme, si Messi dhe Neymar, por megjithatë arriti të merrte një barazim ndaj londinezëve të Mourinho-s, të cilët ishin me formacionin e tyre më të mirë.

Të parët kaluan në avantazh anglezët. Belgu Eden Hazard realizoi një super gol në minutën e 10, duke arritur të depërtojë në mbrojtjen e Barcelonës, e më pas lëshoi një goditje të zgjuar duke e dërguar topin në rrjetë. Me rezultatin 1-0 u mbyll pjesa e parë, pavarësisht rasteve të shumta nga Barcelona, ku Suarez ishte një rrezik konstant për mbrojtjen e Chelsea-s.

Në 45 minutat e dyta, me hedhjen në fushën e lojës edhe të Iniesta-s, Barcelona arriti të kthente në favorin e saj rezultatin. Fillimisht barazoi shifrat Suarez e më pas një gol spektakolar u shënua nga Sandro Ramirez.

Por vetëm 4 minuta para përfundimit të kohës së rregullt, ishte Cahill që barazoi në 2-2 rezultatin, duke e çuar ndeshjen te 11-metërshat. Londinezët u treguan më të saktë në goditjen e penalltive, ku realizuan 4 herë, ndërsa Barcelona vetëm dy.

Top Channel