Vlorë, vazhdon aksioni polici-tatime; mbi 10 milionë gjobat e vjelura
29/07/2015 00:00
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Policia e Vlorës ka vazhduar operacionin e përbashkët me Drejtorinë Rajonale të Tatimeve kundër subjekteve private që rezultojnë debitore ndaj shtetit.
Sipas një njoftimi për shtyp, gjobat e vendosura në total ndaj 141 subjekteve të kontrolluara kanë arritur vlerën monetare prej 10 milionë e 575 mijë lekë të reja.
Sipas njoftimit, vetëm në tre ditët e fundit janë kontrolluar 86 subjekte, nga të cilat 18 janë ndëshkuar me masa të ndryshme.
Kështu, ndaj 2 subjekteve është marrë masa e konfiskimit të mallit, ndaj 15 të tjerave është vendosur gjobë, ndërsa ndaj një subjekti tjetër ka nisur procedura hetimore për deklarim të rremë të pronës.
Mallrat e konfiskuara nga subjektet tregtare janë kryesisht: pije alkoolike, pije freskuese, produkte farmaceutike, kozmetike, materiale ndërtimi, kompjutera dhe printera.
Në njoftimin zyrtar shtohet më tej se Policia e Qarkut Vlorë po heton edhe ata punonjës të organeve tatimore që nuk kanë kryer detyrën duke toleruar subjektet në fjalë që të vazhdojnë aktivitetin, në kundërshtim me ligjin.
Top Channel
