Tregtia e akullit me mikrobe, pezullohen 36 subjekte
04/08/2015 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Inspektoriati Shtetëror Shëndetësor ka ndëshkuar me pezullim aktiviteti dhe gjobë prej 500 mijë lekësh të reja, 36 subjekte që prodhojnë dhe shpërndajnë akull nëpër bare, lokale dhe restorante në vend.
Që prej tre javësh, Inspektoriati Shëndetësor ka nisur kontrolle të rrepta ndaj këtyre subjekteve, ku deri më tani janë kryer 403 inspektime. Nga 308 mostra akulli të marra, të cilat janë analizuar në kushte laboratorike, 79 prej tyre kanë rezultuar me ngarkesa mikrobike.
Përveç subjekteve që e prodhojnë akullin janë ndëshkuar me gjobë dhe pezullim aktiviteti lokalet dhe restorantet që furnizohen me akull nga këto subjekte, akulli i të cilave rezultoi me ngarkesa mikrobiologjike.
Vetëm në Tiranë numërohen 10 bar kafe, madje të njohura dhe që frekuentohen në masë, të cilat janë pezulluar dhe ndëshkuar me gjobë. Gjashtë bar-kafeve u është pezulluar aktiviteti në Vlorë, 3 në Durrës, 4 në Shkodër, 4 në Dibër dhe 3 në Korçë.
Ndërkohë, i kontaktuar me telefon, kreu i Inspektoriatit Shtetëror Shëndetësor, Eltar Deda u shpreh se inspektimet do të vijojnë në mënyrë rigoroze me qëllim garantimin e sigurisë së qytetarëve. Sipas Dedës, nuk do të tolerohet asnjë subjekt që konstatohet me shkelje të parametrave higjieno-sanitare dhe përbën rrezik për shëndetin e konsumatorëve.
Top Channel
