Dëmshpërblimet e përmbytjeve, protestë e banorëve në Novoselë
10/08/2015 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Banorët e Novoselës, një prej zonave më të prekura nga përmbytjet e shkurtit në rrethin e Vlorës, protestuan kundër asaj që e quajnë ndarje të padrejtë të dëmshpërblimeve.
Banorët bllokuan disa momente rrugën kombëtare dhe dhjetra prej tyre u ndalën para godinës së ish-komunës.
Banorët kërkojnë drejtësi për dëmshpërblimet, të cilat sipas tyre kane qenë selektive deri më tani. Ata akuzojnë ish-drejtuesit e komunës për korrupsion, pasi siç thonë ata, familje të shumta s’kanë përfituar asgjë pavarësisht dëmeve të shumta.
Protestuesit deklarojnë se u janë drejtuar institucioneve përkatëse, por nuk kanë marrë zgjidhje. Nga skema, sipas tyre, janë përjashtuar edhe invalidët, pavarësisht se janë deklaruar si parësorë.
Përmbytjet e shkurtit në Novoselë shkaktuan dëme kolosale në banesa, bujqësi dhe blegtori.
Top Channel
