Stuhia e përjetshme venezueliane
11/08/2015 00:00
Studim/ Zbuloni sa fëmijë duhet të keni që të jeni të lumtur 24/04 08:20
Thonë që rrufeja nuk bie dy herë në të njëjtin vend, por nga ky rregull bën përjashtim një liqen i Venezuelës, ku në një natë me stuhi bien me dhjetra në minutë.
Fenomeni i njohur si stuhia e përjetshme ndodh në grykëderdhjen ku lumi Catatumbo takon liqenin e Maracaibos. Mesatarisht në këtë zonë, 260 ditë të vitit janë nën pushtetin e stuhive të shoqëruara me rrufe spektakolare. Qielli natën është vazhdimisht i ndriçuar, ku qindra rrufe shkarkohen në ujërat dhe pemët përreth.
Fenomeni vendosi liqenin e Maracaibos në librin e rekordeve Guinnes për “përqendrimin më të madh të rrufeve”. Rreth 250 rrufe bien në çdo kilometër katrorë në këtë liqen dhe në muajt e vjeshtës, sidomos në tetor, numri mesatar i rrufeve që shkarkohen për minutë është 28.
Liqeni Maracaibo rrethohet nga male të larta dhe shkencëtarët e shpjegojnë fenomenin e “stuhisë së përjetshme” me përplasjen e përhershme të rrymave të ngrohta të ajrit që mbërrijnë nga liqeni me ato të ftohta malore. Përplasja e vazhdueshme e këtyre rrymave shkakton stuhi të përhershme që shkarkohen në formë rrebeshesh shiu, breshëri dhe rrufeshë në liqen.
Top Channel
