Dita ndërkombëtare e Rinisë, marrëveshje Shqipëri-Kosovë për aktivitetet
12/08/2015 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Punësimi dhe rritja e pjesëmarrjes së të rinjve në vendimmarrje ishin temat, që përshkuan aktivitetet e organizuara në kryeqytet në Ditën ndërkombëtare të Rinisë.
Pas firmosjes së një marrëveshjeje mes Ministrisë shqiptare të Rinisë dhe asaj të Kosovës, që synon të shtojë aktivitetet e përbashkëta, në ambientet e Qendrës Rinore u zhvillua një ekspozitë fotografike me temë “Unë marr pjesë”.
Aktiviteti u zhvendos më pas në Pedonalen e kryeqytetit, që për 6 orë u shndërrua në një “atelie pikture” me pjesëmarrjen e shumë të rinjve nga Kosova dhe nga Universiteti i Arteve të Tiranës.
“Një nga motot tona është fuqizimi i rinisë, gjë që arrihet vetëm me punë. Puna vjen gjithnjë jo vetëm nëpërmjet nxitjes me fonde buxhetore, por edhe nëpërmjet vetëpunësimit”, tha Merita Xhafaj, drejtoreshë e Politikave Sociale, Ministria e Mirëqenies Sociale dhe Rinisë.
“Ne si institucione kosovare, por edhe nga pala shqiptare, jemi shumë të interesuar të inkurajojmë të rinjtë sidomos në lidhje me rritjen e pranishmërisë së tyre në proceset e vendimmarrjes, që lidhen me sektorin e rinisë”, u shpreh Xhevat Bajrami, nga Ministria e Kulturës, Rinisë dhe Sportit të Kosovës.
Dita ndëkombëtare e Rinisë përmbyllet në mbrëmje, me një koncert po në Pedonalen e Tiranës, me pjesëmarrjen e shumë këngëtarëve nga Kosova dhe Shqipëria.
Top Channel
