Kore e Veriut, zv.kryeministri i ekzekutuar me urdhër të Kim Jong un

Sipas Seulit zyrtar, Choe Yong gon është ekzekutuar pasi ka shprehur deklarata që nuk i kanë shkuar për shtat liderit të vendit lidhur me politikën pyjore.

Regjimi i Penianit rrallë herë i konfirmon raportimet e ekzekutimeve nga Jugu, të cilat tregojnë se janë rreth 70 zyrtarët që janë vrarë nën regjimin e Kim Jong un.

Sipas agjencisë koreano-jugore “Yonhap”, që citon burime pranë Ministrisë së Unifikimit, zv.kryeministri Choe ishte parë për herë të fundit në publik në dhjetor.

Gjithësesi, agjencia e informacionit jep vetëm pak detaje mbi ekzekutimin, por është gjithmonë e para që i raporton ato. Choe Yong gon ishte gjithashtu zv.ministër i Ndërtimit dhe Industrisë dhe ka përfaqësuar Korenë e Veriut në bisedimet tregtare të zhvilluara në Seul në fillim të viteve 2000.

Ai u caktua si një nga 7 zv.kryeministrat në qershor të vitit të kaluar dhe promovimi i tij u vlerësua në atë kohë nga analistët si një prirje e Penianit për të ruajtur lidhjet me Jugun.

Top Channel