Vlorë, arrestohet 41-vjeçari; pjesëmarrës në organizatë kriminale në Itali

18/08/2015 00:00

Policia e Vlorës ka arrestuar një 41-vjeçar të kërkuar nga autoritetet italiane për trafik droge, si dhe anëtar i një organizate kriminale në vendin fqinj.

Burime zyrtare të policisë bëjnë të ditur se është arrestuar Gentian Muhaj, me emër të ndryshuar në Eugen Rama.

Gjykata italiane e ka dënuar për veprën penale të trafikimit të lëndëve narkotike me 8 vite burg, teksa i kanë mbetur për të vuajtur dhe afërsisht 5 vite burg.

Nga verifikimet e kryera rezulton se 41-vjeçari është i edhe pjesëmarrës në një organizatë kriminale në Itali, të përbërë nga shtetas italianë dhe shqiptarë.

Ai u arrestua në portin e Vlorës nga sekksioni kundër narkotikëve, teksa ishte shpallur në kërkim nga Interpol Roma.

FOTO GALERI
1/3

Top Channel