Magjia e një nate vere pushtoi Amfiteatrin Antik
19/08/2015 00:00
Mijëra entuziastë të Vespa-ve mblidhen në përvjetorin e motoçikletës klasike në Toskana të Italisë (fotot)
19/04 18:53
Komedia e famshme e William Shakespear, “Ëndrra e një nate vere”, u shfaq me sukses mbrëmjen e së martës në Amfiteatrin Antik të Durrësit.
Nën regjinë e Driada Dervishit dhe një kaste aktorësh të njohur, si Amos Zaharia, Mimoza Marjanaku, Eralda Çaushi, Roland Koça, Suela Bako, Romir Zalla, Adelina Muça, Ervin Doko, Xhejni Fama, Besmir Bitraku, Andia Xhunga, Vilma Hodo, Gjergj Doçi e Marsel Rupi, komedia u ngjit në skenën e ngritur mbi arenën e Amfiteatrit, në kuadër të projektit “Ëndrra ime 2015”, një nismë e kryeministrit Edi Rama.
Ëndrra e një studenteje për të sjellë një vepër shekspiriane në Amfiteatrin Antik përkoi me ëndrrën e shumë artistëve dhe artdashësve, që mbushën arenën dhe shkallët e Amfiteatrit për të sjellë magjinë e një nate vere, që u ofrua falas dhe për herë të parë në këtë monument të Antikitetit.
Top Channel
