De Maiziere: Lëvizja e lirë në Shengen po rrezikohet

Ai iu referua jo vetëm emigrantëve, por kryesisht personave që përdorin lëvizjen pa viza brenda zonës Shengen për të kërkuar azil.

“Nëse vendet e tjera evropiane nuk i përmbahen ligjit dhe sistemi i Dublinit nuk jep rezultate, atëherë ndoshta duhet një ligj i ri”, tha ministri.

“Nëse vazhdohet kësisoj, zona Shengen rrezikohet e ndaj kërkohet një zgjidhje më e gjerë evropiane. Gjermania e do Shengenin falë edhe pozicionit të saj në zemër të Evropës, por vendet e tjera anëtare duhet të bëjnë më tepër”, shtoi De Maiziere.

Komenti i tij vjen në një kohë kur një tjetër zyrtar i Komisionit Evropian, siç është Dimitris Avramopoulos, e quajti situatën aktuale krizën më të madhe të emigrantëve që prej Luftës së Dytë Botërore. Por ndryshimi i politikës së lëvizjes së lirë do të kërkonte ndryshime radikale në traktatin evropian.

Zona e lëvizjes pa viza brenda kontinentit është quajtur Shengen dhe u themelua në vitin 1995, ndërkohë që vendi ynë u bë pjesë e saj në dhjetor 2010. Në të bëjnë pjesë 26 vende, kryesisht evropiane, të cilat kanë shkrirë kufijtë dhe kanë aplikuar ligje standarte për azilin.

Lëvizja pa viza i jep të drejtë çdo emigranti të kërkojë azil në një tjetër vend anëtar.

Top Channel