Në autobus pa biletë? Në Cluj-Napoca të Rumanisë nuk gjobitesh, nëse ke një libër me vete.
Ideja e të riut Victor Miron, një nxitës i bindur i leximit, ka marrë jetë në bashkëpunim me kryebashkiakun e qytetit. Qëllimi është të inkurajohen sa më shumë qytetarët që t’i kthehen librit.
Më 23 prill, në Ditën ndërkombëtare të Librit, Miron arriti t’i bindte autoritetetet që të gjithë personat e paraqitur me një libër në dorë të hynin falas në kopshtin botanik të Kluzhit.
Po kështu, ata që vendosin një libër në fotografinë e profilit të tyre në Facebook, mund të përfitojnë ulje në disa dyqane të qytetit.
Vetë Miron shprehet i bindur se është më e lehtë të inkurajosh dikë të lexojë duke e shpërblyer veprimin e tij, se sa të shpenzosh kohën duke kritikuar personat që nuk e bëjnë një gjë të tillë.
Top Channel