Kosovë, arrestohet prokurorja e Krimeve të Rënda për shpërdorim detyre dhe ryshfet
23/08/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Njësiti i hetimeve të krimeve ekonomike në Policinë e Kosovës ka arrestuar të shtunën, rreth orës 22:00, prokuroren e Krimeve të Rënda, Vahide Badivuku.
Badivuku është arrestuar pas dyshimeve për “shpërdorim të detyrës zyrtare” dhe “marrje ryshfeti”.
Arrestimi i prokurores Badivuku është konfirmuar për Top Channel nga zyrtari për informim i Policisë së Kosovës, Daut Hoxha.
Përmes telefonit, ai tha se përveç prokurores në fjalë janë arrestuar edhe dy persona të tjerë, në vendndodhje të ndryshme, identiteti i të cilëve nuk është bërë i ditur.
Vahide Badivuku ishte prokurore në çështjen e Gani Gecit, i dyshuar për vrasje.
Top Channel
