Rama publikon progresin në dogana e tatime, Basha kundërpërgjigjet
24/08/2015 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Kryeministri Edi Rama ilustroi me një foto të publikuar në rrjetet sociale rritjen, sipas tij, në mbledhjen e të ardhurave nga viti 2013 deri në vitin 2015.
“Shikojini pak të ardhruat nga tatimet dhe doganat krahasuar me çfarë mblidhej në kohën e atyre që sot bërtasin ku kanë shkuar paratë”, thotë kryeministri.
Kjo deklaratë e Ramës ka shkaktuar reagimin e kryetarit të Partisë Demokratike, Lulzim Basha.
“Kryepërgjegjësi për vjedhjen e 160 milionë dollarëve nga tatimet dhe doganat është edhe kryegënjeshtari i Republikës. Këto dy vite rriti taksat, rriti çmimin e energjisë dhe të naftës, rriti tarifat dhe akcizat dhe prapë i mungojnë 160 milionë dollarë në 7 muaj”, thuhet në komunikatën e shpërndarë për mediat nga selia blu.
Basha i kërkon kryeministrit Rama, që sipas tij, të heqë dorë nga “tabelat e mashtrimit dhe trego ku përfunduan lekët e qytetarëve”.
Top Channel
