Tepelenë, policia asgjëson 16305 rrënjë kanabis
25/08/2015 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Policia ka ndërmarrë të martën një operacion të gjerë antikanabis në territorin e Kurveleshit në Tepelenë. Operacioni i koduar “Kreshta” është zhvilluar në vendin e quajtur Zaberdicë dhe Dilan.
100 forca policore dhe 20 automjete kanë identifikuar dhe asgjësuar 16.305 bimë narkotike. Ndërkohë që është ndaluar edhe një person si një nga autorët e dyshuar të kultivimit të bimëve narkotike.
Bimët ishin të kultivuara në parcela të mëdha dhe pranë njëra-tjetrës. Në afërsi të parcelave është kapur një shtetas, Çune Batha, 52 vjeç, nga fshati Plesat i Gjirokastrës, i cili është shoqëruar në ambientet e Komisariatit të Policisë Tepelenë dhe më pas është arrestuar, ndërsa njoftohet se po vijon puna për zbulimin e autorëve të tjerë.
Operacioni do të vijojë në kontrollin e plotë të territorit të rrethit Tepelenë nga efektivat e Komisariatit të Policisë Tepelenë, me mbështetjen e Drejtorisë së Policisë Gjirokastër.
Top Channel
