Shpërthimi në Tianxhin, arrestohen 12 të dyshuar
27/08/2015 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Policia kineze ka arrestuar 12 persona si të dyshuar në përfshirjen në shpërthimin masiv që ndodhi këtë muaj në qytetin-port të këtij vendi, Tianxhin e që i mori jetën 139 personave.
Në mesin e të arrestuarve ishin presidenti, zv/presidenti dhe tre zyrtarë të tjerë të lartë të kompanisë e cila kishte nën menaxhim depon me kimikale që shpërtheu.
Lajmi për arrestimet e 12 të dyshuarve, vjen vetëm një ditë pasi u shkarkua, nën dyshimin për korrupsion, kreu i rregullatorit për siguri në punë, autoritet i cili duhej të ishte treguar më i vëmendshëm kur bëhet fjalë për kushtet e punës në depo si ato të Tianxhin.
Ndërkohë, banorët e qytetit kinez të Tianxhinit, shtëpitë e të cilëve u dëmtuan nga shpërthimet e fuqishme të 12 gushtit, ditë më parë kanë protestuar me kërkesën për dëmshpërblim nga qeveria.
Top Channel
