“Katrina”, Bush rikthehet në Nju Orlenas. Pritet me protesta

Duke folur para një turmë të mbledhur në shkollën “Warren Easton Charter” në qendër të Nju Orleansit, Bush tha se banorët e këtij qyteti meritojnë nderime, për shkak se nuk u dorëzuan përballë “Katrinës”.

Vizita e Bush ishte pjesë e organizimeve për të shënuar 10-vjetorin e kësaj fatkeqësie, por ishte edhe njëra nga vizitat më të kontestuara. Bush ishte President në kohën kur “Katrina” goditi Misisipin.

Ai u kritikua ashpër për shkak se nuk vizitoi qytetin menjëherë pasi që ishte përmbytur në shkallën 80%, ndërsa gjithmonë është kritikuar edhe për menaxhimin e dobët me rastin e kësaj tragjedie.

Njëra nga fotot që bëri jehonë, ishte ajo kur Bush po shihte nga dritarja e Air Force One, kur avioni i tij ishte mbi Nju Orleans, ndërsa njerëzit ende ishin mbi çatitë e shtëpive duke kërkuar për ndihmë. Ai vazhdoi udhëtimin pa u ndaluar në këtë vend.

Para shkollës në të cilin po mbante fjalim ish-Presidenti Bush, disa qytetarë ishin mbledhur po protestonin kundër ardhjes së tij. Në njërën nga parullat e protestuesve shkruhej: “Ke ardhur shpejt, hajde pas një jave”.

“Të gjithë e dinë që në kohën kur njerëzit këtu po qanin dhe po bërtisnin për ndihmë, Bush ishte me pushime”, u shpreh njëri prej protestuesve.

Top Channel