Prishtinë, koncert kushtuar Nënë Terezës
06/09/2015 13:00
Freedom House: Korrupsioni dhe ndikimi politik në gjyqësor, shqetësime të vazhdueshme në Kosovë 24/04 22:13
Koncerti i madh i mbajtur në nderim të humanistes së madhe shqiptare, Nënë Tereza, në Katedralen e Prishtinës që mban emrin e saj, është ndjekur nga shumë personalitete të jetës politike e institucionale të Kosovës, përfshi këtu Presidenten Atifete Jahjaga si dhe kreun e Kuvendit, Kadri Veseli.
Në koncert ishin të pranishëm edhe të ftuar të tjerë nga fushat e artit, shkencës e kulturës, përfaqësues të institucioneve ndërkombëtare por edhe diplomatë të huaj në Prishtinë, e nuk mund të mungonin drejtuesit e besimeve fetare.
Gjatë koncertit u performuan vepra muzikore të kompozitorëve të njohur shqiptarë, ndërkohë që aktorë të shquar recituan vargje kushtuar jetës dhe veprës së humanistes Nënë Tereza.
Në mbyllje të tij u interpretua nga Inva Mula himni kushtuar Nënë Terezës. Koncerti dhe krijimi i himnit për Nënë Terezën, pavarësisht përfshirjes së artistëve të shumtë të shquar nga të gjitha trojet shqiptare, ishin nismë e gazetares së njohur Dijana Toska.
Top Channel
