Arrestimi i deputetit Prenga, të martën masa e sigurisë
07/09/2015 12:45
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Pas dhënies së autorizimit nga Kuvendi, i cili miratoi heqjen e imunitetit dhe arrestimin e deputetit të Partisë Socialiste Armando Prenga, ky i fundit pritet të dalë ditën e martë përpara Gjykatës së Lartë.
Ky organ do të vlerësojë arrestimin në kushtet e flagrancës dhe kërkesën e Prokurorisë së Përgjithshme për caktimin e masës së sigurisë.
Burime pranë organit qëndror të akuzës, bënë me dije se dita e martë është edhe afati i fundit që Gjykata e Lartë të vlerësojë të ligjshme ose jo arrestimin e deputetit Prenga dhe nëse po, të caktojë masë sigurisë.
Ndërkohë është caktuar edhe trupa gjyqësore që do të japë masën e sigurisë, që përbëhet nga Artan Broci, Mirela Fana, Edmond Islamaj, Tom Ndreca dhe Artan Zeneli.
Organi i akuzës nga ana e tij nisur edhe nga tre akuzat e ngritura ndaj deputetit Armando Prenga, plagosje e rëndë me dashje, armëmbajtje pa leje dhe kanosje, pritet t’i kërkojë Gjykatës së Lartë caktimin e masës së sigurisë arrest me burg deri në përfundimin e plotë të hetimeve.
Top Channel
