Vlorë, zbulohet një bazë për tharje kanabisi
08/09/2015 18:40
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Mesditën e së martës, Policia Kufitare në bashkëpunim me Delta Forcë kanë arritur të zbulojnë rreth 2 mijë bimë narkotike, të dyshuara kanabis sativa, në një serrë në fshatin Bishan të Vlorës.
Burime nga policia kanë bërë të ditur se serra shërbente për tharjen e hashashit. Bimët e asgjësuara ishin në procesin e fundit të tharjes, ndërsa ishin të varura në tela.
Sipas policisë, këto bimë mendohet të kenë ardhur nga zonat e “Lumit të Vlorës” për t’u tharë në këtë serrë në fshatin Bishan.
Policia në vendngjarje gjeti edhe një çifte me fishekë si dhe një vend që shërbente për rojën, i cili mësohet se është larguar menjëherë kur ka pikasur afrimin e forcave të policisë.
Po gjatë ditës së martë, Policia e Vlorë ka zbuluar edhe dy parcela në fshatin Poro, me rreth 600 bime narkotike, të cilat ishin mbjellë anës lumit të Vjosës.
Top Channel
