Minorenët në Shqipëri janë të pambrojtur nga përdorimi i alkoolit, duhanit apo drogës. Në vendin tonë është shumë e lehtë që një fëmijë të blejë pije alkoolike, duhan apo të luajë lojëra fati. Mjafton që ai të ketë para për të paguar.
Këtë e ka dokumentuar emisioni investigativ “Fiks Fare”, që trajton këtë të mërkurë dhe të enjten problemin e rrezikut me të cilin përballen të miturit.
Nga investigimet e kryera në terren përmes kamerave të fshehta dhe jo vetëm rezulton se, askush nuk e ndalon tregtimin e këtyre produkteve për të rinjtë nën moshën 18 vjeç.
Ja dhe dialogu mes dy fëmijëve dhe shitësit të një dyqani në kryeqytet.
Shitësi: Ça pije doni?
Fëmijët: Ndonjë “red” (uiski), ose ndonjë gjë tjetër. Po vodka ka?
Shitësi: Ja të shohim.
Pas pak…
Shitësi: Këto janë vodka, çuna. Janë më të mirat.
Fëmijët: Sa lekë bëjnë?
Shitësi: 11 mijë lekë (të vjetra) kjo, 11 mijë kjo tjetra. Tani, merr vodkën, blen një “Red” dhe i përzien. Kështu pihen këto. Do ta marrësh? Pse të mos e marrësh?!
Fëmijët: Sa të detyrohemi?
Pasi bëhet pagesa…
Fëmijët: Duam të festojmë sot. Shumë faleminderit.
Top Channel