Rama, vizitë në Bavari për bashkëpunimin dhe azilantët

10/09/2015 20:00

Kryeministri Edi Rama ka nisur këtë të enjte një vizitë zyrtare në Landin e Bavarisë në Gjermani, me ftesë të kryeministrit të këtij landi, Horst Seehofer.

Gjatë takimit mes dy delegacioneve, që do të zhvillohet ditën e premte, kryeministri Rama do të diskutojë me kryeministrin Seehofer mbi bashkëpunimin ekonomik mes Shqipërisë dhe rajonit të Bavarisë, bashkëpunimin në fushën e arsimit profesional dhe atë universitar.

Landi i Bavarisë është një ndër landet ku shumë shqiptarë kanë aplikuar për azil dhe si i tillë jashtë diskutimeve nuk do të mbetet as çështja e azilkërkuesve.

Gjatë kësaj vizite, kryeministri Rama shoqërohet nga ministri i Mirëqenies Sociale dhe Rinisë, Blendi Klosi.

Top Channel