Elbasan, Haxhinasto e Xhika inspektojnë punimet e rrugës drejt Gostimës
13/09/2015 00:00
Anëtarët e rinj të Akademisë/ Akademiku Artan Fuga ka kritika për 5 emërimet e reja si anëtarë të jashtëm
23/04 21:03
Ministri i Transporteve, Edmond Haxhinasto, i shoqëruar nga Drejtori i Përgjithshëm i Autoritetit Rrugor Shqiptar, Dashamir Xhika, kanë inspektuar punimet për rikonstruksionin e rrugës Elbasan-Cërrik-Gostimë.
Ministri Haxhinasto është ndalur fillimisht në punimet e lotit numër dy të kësaj rruge, nga ku u shpreh se standardet e rrugës do të jenë bashkëkohore, duke përmbushur të gjitha parametrat që kërkon një aks që kalon pranë qendrave të banuara.
Ndërsa Drejtori i Autoritetit Rrugor Shqiptar, Dashamir Xhika tha se në këtë rrugë, për herë të parë në Shqipëri do të përdoret një lloj i veçantë asfalti.
Ndërtimi i kësaj rruge do t’u vijë në ndihmë komunitetit dhe sidomos zonave rurale, të cilat do të lidhen më shpejt me qytetin. Afati i zgjatjes së punimeve për këtë segment rrugor është 18 muaj, ndërsa kostoja totale e të gjithë projektit është 35 milionë euro.
Gjatësia totale e rrugës që i është nënshtruar rikonstruksionit është 36 km.
Top Channel
