Masat e policisë, trafik i normalizuar në kryeqytet
14/09/2015 11:20
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Ndryshe nga vitet e kaluara kur fillimi i vitit të ri shkollor shoqërohej me situata kaotike, sa i përket qarkullimit të mjeteve në kryeqytet, këtë të hënë kishim një panoramë tjetër.
Nga një vëzhgim i “Top Media” në rrugët kryesore të Tiranës dhe ato pranë shkollave 9-vjeçare dhe të mesme, kishte një prezencë të shtuar policore duke evituar trafikun e rënduar që shpesh herë jemi mësuar të shohim në orët e para të mëngjesit.
Krahas forcave të policisë rrugore një prezencë të shtuar kanë patur edhe forcat e policisë së rendit të cilët kanë siguruar mbarëvajtjen e nisjes së vitit të ri shkollor. Pranë institucioneve arsimore këtë vit janë vendosur edhe sinjalistikat e nevojshme falë edhe bashkëpunimit më bashkinë e Tiranës.
Për mbarvajtjen e vitit të ri shkollor policia e kryeqytetit ka hartuar një plan të posaçëm masash, ndërsa një lehtësi tjetër që pritet t’i jepet trafikut do të jetë mos lejimi i furgonave të furnizimit me mall brenda vijës së verdhë, nga ora 8 e mëngjesit deri ne 8 të mbrëmjes.
Top Channel
