Pakistan, sulmohet baza ajrore, vriten 13 militantë
18/09/2015 09:40
“Kur më shajnë nënën, s’pendohem”, grushtoi deputetin e ekstremit të djathtë dhe rrezikon 10 vite burg, Floros: Më nxori gishtin e mesit dhe… 25/04 12:21
Të paktën 13 militantë u vranë në një sulm kundër një baze ajrore pakistaneze në Peshavar. Personat e armatosur sulmuan një postbllok dhe më pas hynë në bazën ajrore të Badaber.
Gjeneral-Major Asim Baxhua tha se forcat e sigurisë kishin reaguar menjëherë duke i rrethuar agresorët. Një përleshje e armatosur u zhvillua në zonë dhe përpos viktimave pati edhe 20 të plagosur, përfshirë 10 ushtarë.
Një zyrtar ushtarak tha për agjencinë e lajmeve Reuters se militantët ishin të armatosur me eksplozivë, granata, mortaja dhe automatikë.
Përmes një mesazhi elektronik për gazetarët, talebanët në Pakistan pranuan autorësinë e ngjarjes. Kryeministri pakistanez dënoi ashpër sulmin dhe tha se terroristët do të shfaroseshin nga vendi.
Peshavari është vënë shpesh në shënjestër të militantëve. Dhjetorin e kaluar më shumë se 150 studentë dhe mësues u vranë kur talebanë të armatosur sulmuan një shkollë ushtarake në qytet.
Top Channel
