Krujë, pranga biznesmenit dhe dy inspektorëve të OSHEE-së
22/09/2015 10:55
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një biznesmen dhe dy punonjës të OSHEE-së janë arrestuar në Krujë për vjedhje të energjisë elektrike dhe shpërdorim detyre.
Specialistët për krimet financiare në komisariatin e policisë së Krujës kanë arrestuar në flagrancë biznesmenin Muharrem Hoçja, 60 vjeç dhe dy punonjësit e OSHEE-së, Nikollç Laskadhe Gëzim Koleci, përkatësisht 57 dhe 38 vjeç.
Sipas burimeve zyrtare policore, dy punonjësit e Operatorit të Shpërndarjes së Energjisë Elektrike, Laska dhe Koleci, duke shpërdoruar detyrën kanë ndryshuar vulat në matësin e energjisë elektrike të biznesit në pronësi të shtetasit Hoçja, në Fushë-Krujë.
Pas arrestimit në flagrancë, hetimet e mëtejshme për tre të arrestuarit do të kryhen nga Prokuroria e Rrethit Gjyqësor të Krujës.
Top Channel
