Mark Wahlberg, film për një basketbollist të NBA
23/09/2015 14:25
“A do të martohesh me mua?”, deklarata që dhuroi lot dhe emocione të forta për Sara Gjordenin 19/04 22:51
Mark Wahlberg ka një lidhje të veçantë me botën e sportit. Aktori dhe producenti i njohur hollivudian, protagonist i filmit “The Fighter” në vitin 2010, tani po mendon të sjellë në ekranin e madh historinë e një prej yjeve të NBA, Caron Butler, lojtarin veteran të Sacramento Kings.
Basketbollisti që në 15 vjet është arrestuar 15 herë nga policia ka rrëfyer historinë e fëmijërisë së tij në librin “Tuff Juice”, histori që duket se ka ngjallur interesin e Wahlberg. Ky i fundit tashmë ka nisur bisedimet me Butler, me këtë të fundit që duket se e miraton projektin e producentit 44-vjeçar.
“Ekziston mundësia. Kam kaluar pak kohë me Wahlberg dhe i tregova historinë time”, thotë Butler, i cili në librin e tij shpjegon sesi arriti që të lërë pjesën e errët të jetës së tij kur ishte shpërndarës droge, për t’u bërë protagonist në NBA.
Butler arriti deri aty sa propozoi emrin e aktorit që do të interpretojë rolin e tij dhe bëhet fjalë për Michael B Jordan. “Më ka pëlqyer puna e bërë nga Jordan në filmin “Fruitvale Station”. Besoj se ai do ta tregonte më së miri të gjithë historinë time”.
Top Channel
