Prrenjas, rrezikohen nga shembja e shkëmbit; evakuohen 35 familje
24/09/2015 12:10
Ndryshime në provimet e maturës/ Teste të kopjuara dhe stres, specialistët e arsimit propozojnë mënyra të tjera
18/04 19:48
Të paktën 35 familje në fshatin Rrajcë të Prrenjasit janë në rrezik serioz për jetën, pasi një shkëmb në rrëzë të malit ka nisur të shëmbet.
Rruga e shembjes kalon pikërisht mbi shtëpite e tyre, që deri tani janë goditur nga gurë më të vegjël.
Ekspertët e emergjencave civile bëjnë të ditur se në rast reshjesh, situata bëhet edhe më e rrezikshme, pasi shkëmbi rrezikon rënien mbi banesa.
Për këtë arsye, kryetarja e bashkisë dhe autoritetet e tjera vendore u kanë bërë thirrje banorëve të largohen nga shtëpitë, ndërsa janë gjetur rrugë alternative për strehimin e tyre.
Paraditen e së enjtes është nisur në fshatin Rrajcë një grup ekspertësh nga Prefektura e Elbasanit dhe inxhinierë gjeologë, që do të bëjnë vlerësimin e plotë për situatën, duke dhënë edhe konkluzionet për masat që duhen marrë.
Top Channel
