Kosovë, qëllohet për vdekje efektivi i policisë në Skënderaj
29/09/2015 18:10
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Një pjesëtar i Policisë së Kosovës ka mbetur i vrarë, ndërsa një tjetër është plagosur, në një ngjarje të ndodhur rreh orës 17:00 të së martës, në qytetin e Skënderajt.
Lajmin e konfirmoi për Top Channel drejtori i Policisë për këtë rajon, Nehat Thaçi. Polici i vrarë është identifikuar me inicialet V. G., ndërsa i plagosuri me inicialet A. F.
Ndonëse nuk ka ende një pistë zyrtare për motivet e ngjarjes, sipas burimeve të hetuesisë dyshohet se, pjesëtari i policisë është vrarë në shenjë hakmarrjeje për një ngjarje të ndodhur para dy viteve.
Polici i ndjerë V.G. kishte qenë autor i vrasjes së kandidatit për Asamblenë e Komunës së Skënderajt, Bekim Biringjiku, ngjarje kjo e ndodhur në prag të zgjedhjeve lokale në Kosovë, në nëntor të vitit 2013.
Top Channel
