Ahmetaj, investitorëve francezë: Momenti i duhur për të ardhur në Shqipëri
30/09/2015 14:40
500 mijë turistë në mars/ Në vend të parë, turistët patriotë nga Kosova! Të dytët, italianët
25/04 19:54
Ministri i Zhvillimit Ekonomik, Turizmit, Tregtisë dhe Sipërmarrjes, Arben Ahmetaj ka ftuar investitorët francezë të marrin pjesë në projektin e gazifikimit të vendit, për eksplorimin e blloqeve të lira të naftës dhe në projektin e gazsjellësit Adriatio-Jonian. Ministri Ahmetaj është takuar në Paris me investitorët francezë.
“Regjimi ynë fiskal është shumë i thjeshtë dhe me shkallë të ulët, shumë interesant për kompanitë franceze. Por, dua të them që zonat e lira ekonomike, të cilat unë i prezantova këtu dhe të gjithë ato incentiva fiskale, lehtësi tatimore apo proceduriale që ne afrojmë nëpërmjet projektit të zonave ekonomike, pati një interes të drejtpërdrejtë dhe intensiv nga pothuajse të gjitha kompanitë. E konsiderojnë zonën ekonomike si një gjetje, edhe për faktin sepse nga ana logjistike është pozicionuar në një vend shumë interesant, në afërsi të portit të Durrësit, port i cili në të ardhmen mund të shërbejë edhe si port i rajonit”, është shprehur z. Ahmetaj.
Sipas ministrit Ahmetaj, investitorët francezë shprehën interes për infrastrukturën, energjinë dhe turizmin.
Top Channel
