Benzema, golashënuesi më i mirë i kampionatit spanjoll
05/10/2015 11:00
Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Karim Benzema bëhet kryesuesi i ri i klasifikimit të golashënuesve të kampionatit spanjoll të futbollit. Sulmuesi francez i Realit të Madridit, pas golit të shënuar në derbin me Atletico Madrid ngjitet në kuotën e 6 finalizimeve në këtë fillim të kampionatit, me një mesatare 1 gol për ndeshje, duke lënë pas shokun e tij të skuadrës, Cristiano Ronaldo me 5 të tillë.
Për Benzema, ky është starti më i mirë i sezonit që nga momenti i mbërritjes së tij në kryeqytetin spanjoll. Në kampionatet e mëparshme, sulmuesi francez nuk e kishte kaluar asnjëherë kuotën e 3 golave të shënuar në 6 javët e para të kampionatit.
Rafael Benitez me ardhjen e tij te Reali i Madridit duket se i ka dhënë një shtysë Benzemasë për të shënuar vazhdimisht në këtë sezon. Deklarata e trajnerit spanjoll se francezi do të shënojë 20-25 gola nuk ka bërë gjë tjetër veçse e ka shtuar dëshirën e futbollistit për t’u bërë akoma më shumë protagonist në fushën e lojës dhe këto javë të para të kampionatit po e tregojnë më së miri këtë.
Top Channel
