Tenton të shtypë me makinë dy persona, arrestohet 45-vjeçari
06/10/2015 11:45
Policia e Fierit ka vënë në pranga në 45-vjeçar i cili ka tentuar të shtypë me makinë dy persona. Burime zyrtare bëjnë të ditur se është arrestuar Arben Ramizi nga Kuman i Fierit.
Rreth orës 22.00 të së dielës në aksin rrugor Kuman- Qafa e Stefanit, ai ka tentuar të vrasë me automjet bashkëfshatarët e tij, B. M., 54 vjeç dhe S. M., 21 vjeç.
54-vjeçari ka mbetur i dëmtuar në këmbë dhe ndodhet në spitalin e Fierit jashtë rrezikut për jetën. Mbi Ramizin rëndon akuza e vrasjes me dashje të mbetur në tentativë.
Top Channel