Kosovë, sistemet e burgjeve dhe mbipopullimi mbeten shqetësuese
07/10/2015 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Qendra Kosovare për Rehabilitimin e të Mbijetuarve të Torturës, gjatë një takimi të mbajtur të mërkurën me temë “Promovimi i reformave në paraburgim”, ka shprehur shqetësim të madh me sistemin e burgjeve dhe mbipopullimin e tyre në Kosovë.
Sipas drejtoreshës së QKRMT-së, Feride Rushiti, mbipopullimi paraqet një shqetësim dhe poshtërim, pasi – sipas saj, – shteti i Kosovës duhet të mendojë më shumë për varfërinë, për shkollat, çerdhet dhe jo paraburgimet.
Ajo tha se, nuk ka një kategorizim të të burgosurve dhe të paraburgosurve, gjithashtu se kostoja e të paraburgosurve është me e larta në rajon, gjë që padyshim duhet të ndryshohet.
Ndërsa kryetari i Këshillit Gjyqësor, Enver Peci tha se, sipas konstatimeve të bëra, duhet të behet një analizë e sistemit të paraburgimit. Ai deklaroi se duhet bërë përpjekje, që të ndërgjegjësohet shoqëria dhe gjyqtarët të marrin më seriozisht rastet e shqiptuara për paraburgim.
Në Kosovë janë rreth 750-800 të paraburgosur dhe menaxheri i QKRMT-së, Alban Muriqi tha se po ndërtohen shumë burgje dhe se, gjyqësori po aplikon shumë shpesh masën e paraburgimit.
Top Channel
