Itali, 5 viktima nga moti i keq kryesisht në jug të vendit
15/10/2015 00:00
Moti i keq në rajonet qendrore e jugore të Italisë u ka marrë jetën të paktën 5 personave, mes tyre një grua që u rrëmbye nga uji e një burrë, i cili vdiq prej një arresti kardiak.
Stuhi të dhunshme u përplasen mbrëmjen e së mërkurës mbi Siçili, e sidomos në Palermo, ku pati përmbytje të mëdha e rrëshqitje dheu.
Në Pulje, nga ana tjetër, ka qenë e nevojshme ndërhyrja e ekipeve të emergjencës për të evakuuar disa persona të bllokuar në banesat e tyre.
Sipas “Corriere della Sera”-s, trenat e linjave Caserta-Foggia dhe Benevento-Avellino nuk po lëvizin, për shkak të dëmeve që u kanë shkaktuar linjave hekurudhore stuhitë e fuqishme.
Për të kufizuar problemet e udhëtarëve, “Trenitalia” aktivizoi shërbimet zëvendësuese me autobusë.
Top Channel