“Al Jazeera”, reportazh për Jahjagën
22/10/2015 12:05
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Presidentja e Kosovës, Atifete Jahjaga, është pjesë e një reportazhi të gjatë të Al Jazeera’s, në kuadër të ciklit të reportazheve “Women make change”. Reportazhi përshkruan në detaje rrugëtimin e Jahjagës, që nga puna e saj si police e deri tek posti i Presidentes.
Jahjaga thotë se ajo ka pasur në vazhdimësi përkrahjen e familjes. Pasi përshkruhet i gjithë rrugëtimi i Jahjagës deri në postin e Presidentes së Kosovës, artikulli shkruan edhe për problemet aktuale të shtetit.
Një nga krizat më të mëdha përshkruhet eksodi masiv i vitit 2015, kur më shumë se 50 mijë qytetarë lanë shtëpitë e tyre për t’u larguar në vendet e BE-së.
“Kur pashë fotografitë dhe videot e mijëra njerëzve duke lënë vendin, e dija se nuk mund të rrija më në zyre”, rrëfen Jahjaga.
“Diçka nuk është në rregull, pasi ata po largohen nga vendi”, thotë ajo kur rrëfen ikjen e qytetarëve nga Kosova.
Në portretin e Jahjagës në Al Jazeera përshkruhet edhe puna e Presidentes në promovimin e Kosovës në arenën ndërkombëtare dhe çështje të tjera si mbrojtja e viktimave të përdhunimit gjatë luftës.
Top Channel
