Gashi i përgjigjet lënies në stol, tripletë në ndeshjen e Kupës
28/10/2015 21:35
Është kthyer në “makineri golash” në Chelsea, Guardiola për Palmer: E kërkoi largimin nga ne para 2 vitesh, ja çfarë i pata thënë 19/04 22:24
Shkëlzen Gashi i është përgjigjur në mënyrën më të mirë të mundshme zgjedhjes së trajnerit të Bazelit për ta lënë në tribunë në javët e fundit të kampionatit zviceran.
Futbollisti i kombëtares shqiptare ishte protagonist në fitoren 1-5 të Bazelit ndaj modestëve të Muttenz, ndeshje e vlefshme për Kupën e Zvicrës.
Gashi shënoi tre gola,, një në pjesën e parë dhe dy në të dytën. Ai gjeti rrugën e rrjetës fillimisht në minutën e 35 të takimit, më pas në të 62 dhe 10 minuta më vonë, në të 72. Dy golat e tjerë për Bazelin u shënuan nga shqiptari tjetër, Albian Ajeti, në minutën e 75 dhe Hoegh.
Që me ardhjen e Fischer në stolin e kampionëve zviceran, Gashi nuk është më një titullar i padiskutueshëm. Për këtë, trajneri ka marrë jo pak kritika dhe vërshëllima nga tifozët e skuadrës.
Megjithatë, Fischer ka një përgjigje për këtë. “Ne kemi 28 lojtarë në skuadër, por vetëm 18 grumbullohen për ndeshje. Edhe Kakitani nuk ishte pjesë e skuadrës. Nëse ju fitoni, atëherë jeni duke bërë gjithçka mirë”, tha trajneri i Baselit.
Top Channel
