Durrës, shpërthim eksplozivi pas mesnate; në shënjestër një lokal
29/10/2015 08:25
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një sasi eksplozivi, e vendosur pranë një subjekti privat, ka shpërthyer natën mes së mërkurës dhe së enjtes në qytetin e Durrësit.
Burime policore lokale bëjnë të ditur se, eksplozivi ishte vendosur në hyrjen e një bilardoje, në pronësi të shtetasit Kujtim Rapçe.
Salla ndodhet në katin e parë të një pallati dhe nga shpërthimi ka pasur dëme të konsiderueshme materiale.
Në vendin e ngjarjes kanë shkuar njësitë policore të drejtuar nga një grup i posaçëm që ka nisur hetimet mbi ngjarjen.
Teksa është marrë në pyetje nga agjentët, pronari i subjektit ka deklaruar se nuk ka konflikte me persona të tretë.
Për këtë arsye, hetuesit e kanë spostuar vëmendjen tek bashkëshortja e Rapçes, me të cilën ai dyshohet se ka një përplasje.
Top Channel
