Shqipëria, 717 kërkesa ekstradimi Britanisë së Madhe. Ja procedura

Në kategorinë e parë (Part 1) përfshihen kërkesat nga vende të BE, ndërsa në kategorinë e dytë (Part 2) ato të vendeve jo anëtare të BE-së, ku bën pjesë edhe Shqipëria.

Procedura e ekstradimit hap pas hapi është si më poshtë.

1- Shqipëria dërgon atë që njihet si mandat arresti europian “European Arrest Warrant” (EAW) nëpërmjet Drejtorisë së Marrëdhënieve me Jashtë në Ministrinë e Drejtësisë.

2- Kërkesa i shkon “National Crime Agency”, agjenci e cila nis gjurmimin e personit që kërkohet të ekstradohet.

3- NCA, së bashku me Prokurorinë britanike “Crown Prosecution Service” shqyrtojnë ligjshmërinë e kërkesës.

4- Pasi kërkesa është në përputhje me legjislacionin britanik, ata i kërkojnë gjykatës firmosjen e fletëarrestit.

5- Më pas arrestohet personi, subjekt në kërkesën e fletëarrestit europian.

6- Të nesërmen e arrestimit, personi del përpara një gjykate të specializuar per ekstadimet “City of Westminster Magistrate Court” në Londër, ku Shteti shqiptar përfaqësohet nga një prokuror i CPS.

7- I arrestuari përfaqësohet nga një avokat shteti, ose i zgjedhur nga vetë ai. Këtë moment, ose në një seancë tjetër, i pandehuri mund t’i kërkojë gjykatës lirinë me kusht kundrejt një garancie monetare disa mijëra stërlinash, ose mund të qëndrojë në burg.

8- Në seancat e tjeta shqyrtohet kërkesa e shtetit që kërkon ekstradimin, përfshi argumentet kundërshtuese të mbrojtjes.

9- Gjykatësi i “City of Westminster Magistrate Court” jep vendimin pas një procesi që zgjat mbi 6 muaj.

10- Palët kanë të drejtë apeli në Gjykatën e Lartë dhe atë Supreme.

Sipas statistikave të publikuara nga “National Crime Agency”, që prej vitit 2009 deri në prill 2015 Shqipëria i ka dërguar Britanisë së Madhe 717 mandatarreste për shtetas shqiptarë që fshihen në shtetin ishullor.

Top Channel