Arrest me burg ish-policit për vrasjen në Linzë
15/11/2015 14:35
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Tiranes dha vendimin e arrestit me burg për ish-policin Mirsad Kucanaj, i arrestuar si një prej të dyshuarve për vrasjen e Enton Nikajt dhe plagosjen e Ismet Gaxherit pak ditë më parë në zonën e Linzës.
Kucanaj ishte personi i parë qe u arrestua nga policia pas vrasjes së Nikajt. Ai u identifikua nga policia nga kamerat e sigurisë në parkingun e lokalit ku ndodhi vrasja.
Për momentin ish-efektivi i policisë Kucanaj është i dyshuar si bashkëpunëtor në vrasjen e 30-vjeçarit Nikaj.
Mësohet se gjatë vlerësimit të masës së sigurisë vetë Kucanaj nuk ka dhënë asnjë deklaratë për akuzën që rëndon mbi të dhe nuk dha asnjë shpjegim për vrasjen e Nikajt, ashtu sikurse mësohet se nuk ka dhënë as shpjegime për vrasjen e Enton Nikajt.
Të hënën përpara gjykatës do të jenë dy të arrestuarit e tjerë, Emiljano Tasho dhe Erjon Biraçi.
Top Channel
