Alarm fals për bombë në qendër të Tiranës
17/11/2015 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një alarm fals për bombë ka krijuar panik për disa minuta në qendër të Tiranës. Një çantë e dyshimtë është gjetur pranë Sahatit, në afërsi të Bibliotekës Kombëtare.
Policia vendosi menjëherë perimetrin e sigurisë, teksa forcat xheniere u njoftuan për të verifikuar çantën. Alarmi rezultoi fals, pasi çanta nuk kishte asgjë të rrezikshme dhe ishte harruar nga një person.
Policia e Tiranës bën të ditur se nuk ka persona të shoqëruar lidhur me ngjarjen. Pas sulmeve terroriste në Paris edhe Shqipëria ashtu si vendet e tjera, ka përforcuar masat e sigurisë dhe ka rritur vigjilencën, për shkak të kërcënimit botëror për sulme terroriste.
Top Channel
