Punësimi sezonal, Greqia nuk pranon më shqiptarët
19/11/2015 13:20
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Kufiri me Greqinë në pikën e kalimit të Kapshticës sërish është paralizuar, ndërsa shkaku që ka çuar palën greke të mbyllë dyert për shqiptarët duket se është punësimi sezonal.
Pavarësisht se prej vitesh punësimi i qytetarëve shqiptarë në sezonin e vjeljes së ullinjve, qershisë dhe pjeshkës i ka shërbyer shtetit helen për shkak se nuk mund t’i përballonin vetë punët e bujqësisë, tashmë duket se janë të panevojshëm, pasi hyrja e tyre në shtetin grek ndalohet që në kufi.
Qindra qytetarë shqiptarë, të cilët prej vitesh mbijetojnë me punën e krahut në sezonet e mbledhjes së prodhimeve bujqësore dhe pemtarisë, janë duke u bllokuar në pikën e kalimit kufitar të Kapshticës.
Në 24 orë pala greke ka kthyer të paktën 200 qytetarë shqiptarë të cilëve u ka kërkuar që të kenë me vete shuma marramendëse lekësh si garanci për qëndrimin e tyre ose garanci origjinale prej personave që i presin, ndryshe nga vitet e tjera, kur pavarësisht se parashikoheshin në ligj, këto kritere anashkaloheshin.
Përpos kthimeve të udhëtarëve, në territorin grek janë krijuar edhe radhë të gjata automjetesh si pasojë e sporteleve të pakta dhe punës me ritme të ngadalta të punonjësve grekë.
Top Channel
