Vlorë, përvetësoi truall me dokumente false, dënohet me dy vite burg
20/10/2015 16:45
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Vlorës ka dënuar me 2 vite burgim shtetasen, Enkelejda Isakaj, e cila u gjet fajtore për akuzën e “falsifikimit të dokumentave”.
Përmes falsifikimit, Isakaj ka përfituar në mënyrë të paligjshme përvetësimin e një prone truall prej 1 mijë metër/katrorë, e ndodhur pranë stadiumit të qytetit të Vlorës në zonën e Skelës.
Nga hetimi ka rezultuar se e pandehura, nëpërmjet dokumentave të fallsifikuara, është bërë pronare e kësaj toke, duke sajuar një kontratë shitjeje me personin me emrin Raime Latifi, e cila nuk ekziston. Pasi ka marrë pronësinë mbi këtë truall, e pandehura është përpjekur ta tjetërsojë, duke e shitur tek persona të tjerë.
Prona në fjalë, me një vlerë që tejkalon 100 mijë eurot është vendosur nën masën e sekuestros.
Top Channel
