“Fantazma” Kovaçiç, 35 milionë euro për futbollistin anonim
26/11/2015 10:55
De Rossi: Me El Shaarawy-n më doli mirë, kjo Romë do të ngrinte kokë edhe me Mourinhon 25/04 22:49
Tek Inter po vazhdojnë të fërkojnë duart për një manovër të rëndësishme si shitja e Mateo Kovaçiç te Reali i Madridit. 35 milionë euro pagoi klubi spanjoll për talentin që nuk ka shpërthyer asnjëherë dhe po kaq dyshime kanë tifozët “merengues” se kroati do të ngrihet vërtet në nivelin e fanelës me të cilën u prezantua me bujë nga Florentino Perez.
Presidenti i Realit të Madridit u bind për të firmosur me mesfushorin e ri nën ndikimin e Rafael Benitez, trajnerin që vazhdon ta mbrojë edhe pse rezultatet dhe tifozët flasin kundër spanjollit. Mediat iberike mbi, gjithë të tjerët, po e cilësojnë një mister blerjen 35-milionëshe të klubit.
Në muajin e fundit, Mateo Kovaçiç ka luajtur vetëm 9 minuta, por para dëmtimit muskular të pësuar në tetor, ishte gati gjithmonë zëvendësimi i parë i Benitez. Ndeshja e fundit e kroatit ishte përballja ndaj Paris Saint Germain në Ligën e Kampioneve, e vetmja e kroatit në 6 impenjimet e fundit të Realit.
Top Channel
