Indi, rrëzohet avioni policor në aeroportin e Delhit; 10 të vdekur
22/12/2015 10:25
Polonia, e gatshme të kthejë në Kiev ukrainasit që të shërbejnë në ushtri 24/04 22:47
Një avion i lehtë është rrëzuar në një aeroport pranë kryeqytetit të Indisë, Nju Delhi, duke vrarë të paktën 10 persona që ndodheshin në bord.
Avioni është rrëzuar pak momente pas ngritjes në ajër, pasi është përplasur me një mur në rajonin Duarka, duke marrë menjëherë flakë. Në bord ndodheshin anëtarë të forcës policore kufitare.
“Rrëzimi i avionit ka ndodhur rreth orës 09:50, me kohën e Indisë, pak momente pasi pilotët humbën kontaktin me kontrollin tokësor”, ka deklaruar një zyrtar përgjegjës.
Pamjet e transmetuara në televizionet lokale tregojnë fushën ku ka rënë avioni, i përfshirë nga flakët dhe pjesë të tij të shpërndara andej-këndej.
Incidenti i kësaj të marte ka ndodhur kur avioni ishte nisur nga aeroporti i kryeqytetit drejt lokalitetit Rançi, në shtetin lindor Xharkhand.
Në maj të vitit 2011, 10 persona humbën jetën pasi një avion i vogël mjekësor, që po transportonte një të sëmurë rëndë, u rrëzua në afërsi të Delhit.
Incidenti më i rëndë ajror në Indi është ai i vitit 2010 në qytetin Mangalore, ku humbën jetën të paktën 160 persona.
Top Channel
