30-vjetori i përkthimit në shqip të Kuranit, kumtesë në Prishtinë

Myftiu Naim Ternava tha se 30 vite më parë myslimanët shqiptarë e bënë pronë të tyre Kuranin. Zëdhënësi i Bashkësisë Islame, Ahmet Sadriu tha se ndonëse edhe më herët kanë ekzistuar përpjekjet për t’i përkthyer Kuranin por pas shpalljes së pavarësisë dhe konsolidimit të shtetit shqiptar interesimi për përkthimin e Kuranit u bë më e madhe.

Ndërsa Sulejman Rexhepi nga Bashkësia Islame e Maqedonisë, ka thënë se kanë ardhur kohëra të mbrapshta, ku edhe islami po ballafaqohet me sfidat më të ndryshme.

“Në kohën kur po akuzohet islami, pikërisht sot ne me ketë sesion po dëshmojmë se islami edhe mbrohet dhe përhapet me dituri dhe urti dhe jo me dhunë dhe me brutalitet. Mendoj se ndoshta është koha ku duhet t’i kthehemi një pune tjetër sepse përkthimi siç e dini është problem me qenë autentik i fjalës së Allahut, dhe mu për këtë duhet të bëhen përpjekje që të bëjmë edhe komentimin e kuranit sepse mos të iu lënë hapësirë njerëzve dashakeq që t’i japin kahje tjetër Kuranit”, ka thënë Rexhepi.

Top Channel