PD: Paratë e energjisë shkojnë në xhepat e qeveritarëve
30/12/2015 10:40
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Partia Demokratike, nëpërmjet anëtares së Këshillit Kombëtar të saj, Ina Zhupës, deklaroi se “ndërkohë që shqiptarët janë të detyruar të paguajnë një çmim më të lartë energjie, OSHEE për vitin 2015 ka shpërndarë prokurime në kundërshtim të hapur me procedurat ligjore”.
“Për t’i shërbyer sa më mirë mazhorancës, OSHEE-ja ka kryer 26 herë procedura tenderuese për ruajtjen me roje private të vetëm 9 objekteve rajonale në gjithë vendin. Në këtë mënyrë, ajo ka shpërblyer 4 persona me lidhje politike me mazhorancën, duke i dhënë Rigers Balilit (Kryetarit të Bashkisë Delvinë, LSI), Hysni Myrtajt (anëtar i këshillit bashkiak Fier, LSI), Lavdrim Gjicit (vëllait të Safet Gjicit, kandidat për kryetar Bashkie në Kamez i PS) si dhe Paulin Ndreut (vëllait të deputetit socialist Pjerin Ndreu) 477 milion lekë tendera”, deklaroi Zhupa.
“Nga njëra anë burgos qytetarët së nuk kanë mundësi të paguajnë 2 mijë lekë energji elektrike e nga ana tjetër OSHEE-ja ka përsëritur mbi 19 procedura tenderuese për shoqërimin e vlerave monetare, në kundërshtim të plotë me ligjin, vetëm e vetëm për t’i dhuruar kompanive të miqve e të deputetëve rreth 80 milion lekë pa tvsh tendera”, shtoi Zhupa.
Top Channel
