Vlorë, kanalizimet shpëtojnë qytetin
07/01/2016 00:00
Ekstradimet nga Dubai, ministri Balla marrëveshje për nisjen e procedurave me Emiratet e Bashkuara Arabe
24/04 12:25
Reshje të dendura pati edhe në Vlorë, ku ujërat u rikthyen në rrugët e qytetit, por ndryshe nga herët e tjera nuk shkaktuan dëme në banesa e dyqane.
Kjo ndodhi për shkak se kanalet e mëdha të ujërave të larta u zhbllokuan tërësisht vetëm disa javë më parë, me një ndërhyrje të bashkisë.
“Ndryshe nga herët e tjera duket që ka pasur një tërheqje më të shpejtë të ujërave se më parë. Kontrollova punimet e fundit që kemi kryer në kanalin e Sjapit dhe ato mbi Spitallë, që funksiononin mrekullisht. Puna nuk ka mbaruar dhe po punojmë në të gjitha segmentet”, deklaroi kryetari i bashkisë, Dritan Leli.
Punonjësit e bashkisë vijuan punën për të mbajtur në funksion kanalizimet e puestat, ndërkohë që edhe hidrovori i Akernisë ka qenë në funksion me të katër pompat. Ndërkohë, sërish pati rrëshqitje dherash në aksin Vlorë-Radhimë, i cili qëndroi i bllokuar për një orë.
Top Channel
